Bondecafe i Gjerstad

Beiteprosjektet er tema på bondecafe på Lyngrillen i Gjerstad 8 desember kl 19.30. Møtet er opent for alle interesserte.

Som foredragshaldar på møtet har dei henta inn Bastian Hoffmann som er tilsett hjå Fylkesmannen i Hordaland, som prosjektleiar på prosjektet "Landskap i drift". Han skulle som kjent også vore med på samlinga på Evje i mai, men vart då forhindra frå å møte. I Hordaland har dei fokusera på beitedyr og kulturlandskap i fleire prosjektarbeid, og me reknar med at Bastian har mykje relevant kunnskap for beiteprosjektet i Agder og Telemark.

Aktuelle tema er:

-beitebruksplanar
-gjerdertype på innmark og utmark avhengig av dyreslag
- sambeiting - erfaringar.
- krav til storleiken på beitet pr dyr - kor store beiteområder
- avtalar med dei som stiller beitedyr til disposisjon
- avtale om og betaling for beiteareal?
- kven ryddar beiteområda?
- tilsyn og transport av dyr
- tilrettelegging for allmenn ferdsel i/i tilknytting til beiteområda?

Det vil vidare bli gjeve ei orientering om beiteprosjektet i Gjerstad og Risør, som føljas opp med ei markering av oppstarten i lokalaviser og på kommunens nettside.